【油麻地】龍蝦泡飯長龍店食唔食得過？

GOODEAL

發佈於 2022-10-04

位於油麻地的「村爺爺」，本身以平價車仔麵出名，後來做龍蝦湯底車仔麵和泡飯殺出重圍，加錢更有半隻龍蝦，可以來個豪華車仔麵，晚市6點後店外總是排着長龍，不少人慕名而來。

6點後總是大排長龍

但其實如果要食到龍蝦，單價最便宜的是$168的「真盛海鮮龍蝦湯泡飯」，或外加$88有半隻龍蝦，不過當今連兩餸飯都加入龍蝦戰團，大埔曾出現$45半隻蒜茸蒸加拿大龍蝦，有龍蝦也不算十分特別的體驗。

花膠海鮮雞件龍蝦湯泡飯，材料足，但用料一般

全碗飯有一嚿花膠

而「村爺爺」所有單品都大大份，肯定食得飽，如「花膠海鮮雞件龍蝦湯泡飯」，總共有約10件雞、蜆肉約20粒、魷魚圈3條、勝瓜4件、花膠1件、青口5隻，一大堆菜底，龍蝦湯底帶甜味，喝後不口喝，但未算特別，海鮮類全部都是普通來貨，沒甚鮮味，只可過下口癮，反而雞件嫩滑有驚喜，總括來說是以量取勝，味道一般，而且單價要$88，是否值得排隊就見仁見智。

要食到「真龍蝦」，單價最少都要$168